Narxlar faqat Toshkent shahri uchun

Korzinkada biz har kuni sizga eng yaxshi narxlarni taklif qilish uchun harakat qilamiz. Biroq, agar bizdan xarid qilganingizdan so‘ng aynan bir xil mahsulotni boshqa joyda undan ham pastroq oddiy (aksiya emas) narxda topsangiz, biz farqni qoplaymiz. Narxiga javob dasturi orqali narxlar o‘rtasidagi farq Korzinka Plus kartangizga bonus ballari ko‘rinishida qaytariladi.

Dastur Korzinka Plus kartasiga ega bo‘lgan barcha mijozlar uchun amal qiladi va quyidagi savdo shoxobchalarida qo‘llaniladi: Korzinka, Korzinka Mahalla va Korzinka Go.

Qanday ishlaydi?

1. Korzinka do‘konlaridan birida mos keluvchi mahsulotni xarid qiling.
2. O‘zbekistondagi boshqa do‘kon yoki onlayn savdo platformasida** aynan o‘sha mahsulotni (bir xil brend, nomi, hajmi, og‘irligi va miqdori) undan pastroq oddiy narxda toping.
3. Xarid qilingan kundan boshlab 7 kun ichida Korzinka ilovasi yoki veb-sayti orqali murojaat yuboring. Korzinka cheki va pastroq narxni tasdiqlovchi hujjatlarni ilova qiling(quyida batafsil). Bunda pastroq narx aniqlangan sana Korzinka chekida koʻrsatilgan sanadan 3 kun muddatdan oshmasligi lozim. Masalan:
   1-holat:Siz Korzinkada N tovarni 15.03.2026 sanasida 10.000 soʻmga xarid qildingiz. Roʻyxatdagi** chakana savdo subyektida esa oʻsha N tovarni 17.03.2026 sanasida 9.000 soʻm ekanini bildingiz. Bunday holda pastroq narxni tasdiqlovchi narxnomani rasmga oling va uni 21-martga qadar Korzinka ilovasi yoki veb-sayti orqali ariza yuboring. Bunda Dastur doirasida arizangiz qabul qilinadi va koʻrib chiqiladi.
   2-holat:Siz Korzinkada N tovarni 15.03.2026 sanasida 10.000 soʻmga xarid qildingiz. Roʻyxatdagi** chakana savdo subyektida esa oʻsha N tovarni 18.03.2026 sanasida 9.000 soʻm ekanini bildingiz. Bunday holda, garchi 21-martga qadar ariza topshirilgan taqdirda ham, narxning dolzarbligini (aktualligini) tasdiqlash imkoni bo‘lmaydi va Korzinka arizani rad etadi.
4. Murojaatingiz 5 ish kuni ichida ko‘rib chiqiladi. Tasdiqlangan taqdirda, narx farqi Korzinka Plus kartangizga bonus ballari sifatida o‘tkaziladi.

 

Pastroq narxni tasdiqlovchi dalil sifatida nima qabul qilinadi?

Biz aniqlik kiritishimiz uchun quyidagi roʻyxatda** mavjud chakana savdo subyektlarida narx Korzinkada sotib olingan mahsulotlar* narxidan haqiqatda pastroq ekanini tasdiqlash uchun chek/narxnoma aks etgan surat yoki onlayn do‘kondan skrinshot talab etiladi.

Qabul qilinmaydi:

• Messendjer ilovalari skrinshotlari;
• Va boshqa nomaqbul holatlar.

Muhim shartlar:

• Taqqoslash faqat oddiy narxnomalar asosida amalga oshiriladi. Aksiya narxlari, chegirmalar, kuponlar, bonuslardan foydalanilgan narxlar, to‘plam (bundle) takliflari, likvidatsiya yoki maxsus sotuv narxlari hisobga olinmaydi.
• Pastroq narx O‘zbekiston hududida faoliyat yuritayotgan do‘kon yoki onlayn sotuvchiga** tegishli bo‘lishi kerak.
• Muayyan savdo nuqtasining dasturga mos kelishi masalasi bo‘yicha yakuniy qaror Korzinka ixtiyorida qoladi.
• Kompensatsiya faqat bonus ballari ko‘rinishida beriladi, naqd pul shaklida to‘lov amalga oshirilmaydi.
• Ushbu dastur doirasida berilgan bonus ballari hisobga o‘tkazilgan kundan boshlab 1 kalendar oy ichida amal qiladi.
• Bir mijoz uchun kompensatsiya miqdori oyiga 200 000 so‘mdan oshmaydi.
• Agar “Narxiga Javob” katalogidagi tovar qaytarilsa, unda kompensatsiya to‘lanmaydi.
• To‘liq bo‘lmagan, o‘qib bo‘lmaydigan yoki yuqoridagi talablarga mos kelmaydigan hujjatlar asosida murojaat rad etilishi mumkin. Bunday holatda rad etish sababi ma’lum qilinadi.
• Zarurat tug‘ilganda, murojaatni tekshirish uchun qo‘shimcha ma’lumot yoki hujjatlar so‘ralishi mumkin.
• Murojaat doirasida taqdim etilgan ma’lumotlar dastur shartlarini tekshirish va qaror qabul qilish maqsadida qayta ishlanishi mumkin.
• Korzinka istalgan vaqtda dastur shartlarini o‘zgartirish, vaqtincha to‘xtatish yoki bekor qilish huquqini o‘zida saqlab qoladi. O‘zgarishlar yangilangan shartlar Korzinka veb-sayti yoki ilovasida e’lon qilingan paytdan boshlab (agar keyinroq sana ko‘rsatilmagan bo‘lsa) kuchga kiradi.
• Toshkent shahri va viloyatlardagi Korzinka supermarketlari hamda Korzinka Mahalla do‘konlarida chakana narxlar farq qilishi mumkin.

Savollaringiz bormi?

Narxiga Javob dasturi bo‘yicha savollaringiz bo‘lsa, biz bilan bog‘laning — yordam berishdan mamnunmiz.
Korzinka Aloqa markazi: +998 (78) 140-14-14

**Ushbu ro‘yxat hozirda faqat biz narxlarni amalda tekshirib, tasdiqlay olish imkoniyatimizga asosan tuzilgan. Agar ro‘yxatda biror nom yo‘q bo‘lsa, mijoz uni qo‘shish bo‘yicha so‘rovni saytdagi yoki ilovadagi aloqa kanallari orqali yuborishi mumkin. Ro‘yxatga qo‘shish yoki qo‘shmaslik bo‘yicha qaror Korzinka tomonidan qabul qilinadi.

Oflayn

Toshkent shahri va Toshkent viloyati:

• Darvoza Savdo MCHJ(Makro)
• Havas Food MCHJ XK(Havas)
• “Urban Retail” MCHJ XK (Baraka)
• “NEW RETAIL” MCHJ (bi1) (Dayli)
• “SFERA VOSTOK” MCHJ (M COSMETIC)
• “Xalq Retail” MCHJ (Olma)
• Galmart
• Assorti

Samarqand viloyati:

• “Ismatov’s Family Market” MCHJ (Optovik.uz)

Buxoro viloyati:

• ООО "VOSSENGO BUSINESS"  (OptoGo)
• OOO "White Group Trading" (Optovik.uz)

Navoiy viloyati:

• "OILAVIY MASKAN" MCHJ (Yangi hayot)

Andijon viloyati:

• “ZESTI TRADE” MCHJ (Zesty Market)

Qo'qon shahri:

• ООО "PEERLESS" (Benazir)

Farg‘ona viloyati:

• “Ansor Trade Ferghana” MCHJ (Ansor Market)
• “Osiyo Center” MCHJ (Osiyo Market)

Onlayn

• Uzum Market
• Yandex Lavka